Այս իշխանությունը պետք է հեռանա. Նաիրա Զոհրաբյան

Վանաձորում ոչ իշխանական ուժերի իրազեկման հանրահավաքի ժամանակ, ողջունելով «տեղի իշխանիկների սպառնալիքներից չվախեցած» վանաձորցիներին, ԱԺ ԲՀԿ խմբակցության քարտուղար Նաիրա Զոհրաբյանը հայտարարեց. «Այս իշխանությունը պետք է հեռանա, սա է մեր մեկ, միասնական օրակարգը»:

ԵԽԽՎ-ից նոր վերադարձած պատգամավորը հայտարարեց, որ անգամ մեր թշնամիները դրսում ասում են` նրանք չե՞ն ձեր իշխանությունները, ովքեր ամեն ինչ անում են`  երկրում արտագաղթը սաստկացնելու համար: Ըստ Զոհրաբյանի` հայ ազգը պատմության մեջ տոկոսի տակ մնացած ժողովուրդ է մնալու:

«Միայն թշնամին կարող է այնպես անել, որ մարդիկ մազապուրծ փախչեն սեփական երկրից` ամեն օր: Սահմանադրության վրա թքած իշխանությունը իրավունք չունի մտածելու սահմանադրական բարեփոխումների մասին: Հոկտեմբերի 10-ին սկսելու ենք հաղթանակի հաղթարշավ»,- հայտարարեց Զոհրաբյան: