Հովհաննես Գոհարյանը չի խաղա 2 շաբաթ

Առաջիկա շաբաթ օրը՝ սեպտեմբերի 27-ին, Հայաստանի Բարձրագույն խմբի առաջնության   առաջատար  «Ուլիս»-ն առաջնության ութերորդ տուրի խաղում մրցելու է «Փյունիկ»-ի հետ,  որից 4 օր անց  թիմն արդեն գավաթի խաղարկության քառորդ եզրափակիչի առաջին խաղում հանդիպելու է «Բանանց»-ի հետ:

Ինչպես տեղեկացնում է «Ուլիս» ակումբի մամուլի քարտուղարությունը,  բոլոր ֆուտբոլիստներն էլ ներգրավված են մարզումային գործընթացում: Բացառություն է կազմում թիմի հարձակվող Հովհաննես Գոհարյանը, ով մարզման ժամանակ ձգել է  ոտքի մկանը և չի կարող դուրս գալ խաղադաշտ առնվազն երկու շաբաթ:

Հավելենք, որ «Ուլիս» - «Փյունիկ» խաղը կայանալու է ֆուտբոլի ակադեմիայի խաղադաշտում և մեկնարկելու է ժամը 16:10-ին: