Ռուսաստանում հարձակվել են BBC-ի լրագրողների վրա

ՌԴ Աստրախան քաղաքում անհայտ անձինք հարձակվել են բրիտանական BBC հեռուստառադիոկորպորացիայի ռուսական գրասենյակի լրագրողների վրա. հայտնում է BBC Russian-ը: Այդ մասին հայտնել է BBC-ի լրագրող Սթիվ Ռոզենբերգը:

Լրագրողները ստուգում էին Ուկրաինայի և Ռուսաստանի սահմանին ռուս զինվորների մահվան մասին տեղեկությունները:

Լրագրողի խոսքերով՝ երբ նկարահանող խումբը դուրս է եկել սրճարանից և ուղղվել դեպի ավտոմեքենան, նրանց վրա հարձակվել են երեք ագրեսիվ տրամադրված տղամարդիկ:

Հարձակվողները ծեծի են ենթարկել օպերատորին, ապա լրագրողների ձեռքից վերցրել տեսախցիկն ու փախուստի դիմել: Ներկայումս լրագրողները Մոսկվայում են, նրանց անվտանգությունն ապահովված է:

Նշվում է նաև, որ մինչ լրագրողները ոստիկանությունում ցուցմունք են տվել, ինչ-որ մեկը մտել է նրանց ավտոմեքենան և հիշողության քարտից ջնջել տեսանյութերը: