Թուրքերը սերիալ նկարահանելիս վնասել են Սբ Աստվածածին եկեղեցու պատը

Թուրքերը սերիալ նկարահանելիս քանդել են 1849 թվականին Նևշեհիրում կառուցված Սբ Մարիամ Աստվածածին եկեղեցու փլուզվող պատերը կանգուն պահելու նպատակով տեղադրված երկաթաձողերը:

Ըստ Haberler-ի՝ դրանք քանդել են Fox ալիքով ցուցադրվող «Ավանդ» սերիալի նկարահանումներն ավելի «հանգիստ» իրականացնելու համար: Հայտնել են՝ իբր սերիալի նկարահանումների ավարտից հետո ձողերը դարձյալ տեղադրելու են նույն տեղում:

Սերիալի նկարահանման պատասխանատուներից մեկն այդ մասին ասել է. «Արդեն այս եկեղեցու մասին մեզ քաղաքապետարանը տեղեկացրեց: Նրանք ոչինչ չեն ձեռնարկել եկեղեցու փլուզումը կանխելու համար: Առանց այն էլ հանքափորները եկեղեցուն բավականին վնաս են պատճառել: Պատասխանատու անձինք ցանկանում են եկեղեցին քանդել: Սերիալի նկարահանումները տևելու են երկու տարի, և ես հետևողական եմ լինելու` եկեղեցուն վնաս չհասցնելու համար»: