Ժամանակն է այնպիսի բանակցություններ սկսել, որոնք կօգնեն խաղաղ համաձայնության գալ. Ուորլիք

ԵԱՀԿ Մինսկի խմբի ամերիկացի համանախագահ Ջեյմս Ուորլիքը ադրբեջանական АПА-ի հետ զրույցում անդրադարձել է հայ-ադրբեջանական սահմանին վերջին օրերին սրված իրավիճակին:

Նա նախ ցավակցություն է հայտնել զոհվածների հարազատներին, կոչ արել կողմերին պահպանել հրադադարի ռեժիմը, ապա նշել, որ հակամարտությունը չի կարող լուծվել ռազմական ճանապարհով: 

Նա դարձյալ նշել է, որ ԵԱՀԿ ՄԽ-ն շարունակում է մնալ միջնորդական միակ ձևաչափը և կշարունակի այցերը տարածաշրջան,  ինչպես նաև բարձր մակարդակով համագործակցությունը՝ հակամարտության կարգավորմանը հասնելու համար:

« Հույս ունեմ, որ Հայաստանի և Ադրբեջանի նախագահները կհամաձայնեն մոտ ապագայում հանդիպել և քննարկել առանցքային հարցերը: Ժամանակն է այնպիսի բանակցություններ սկսել, որոնք կօգնեն խաղաղ համաձայնության գալ»,- ասել է նա: