ԱՄՆ պետդեպի խորհուրդը` Հայաստանի և Ադրբեջանի նախագահներին

ԱՄՆ-ն աջակցում է Ֆրանսիայի նախաձեռնությանը, որը ենթադրում է Փարիզում Հայաստանի և Ադրբեջանի նախագահների հանդիպման անցկացում. հայտնում է ИТАР-ТАСС-ը: Այդ մասին հայտարարել է ԱՄՆ պետդեպարտամենտի պաշտոնական ներկայացուցիչ Ջեն Փսակին՝ լրագրողների խնդրանքով մեկնաբանելով շփման գծում իրավիճակի սրումը:

Նա նշել է,  որ չի տիրապետում այդ հաղորդումների մասին հաստատված տեղեկությունների, ապա հավելել է, որ խաղաղ կարգավորումը, անշուշտ, երկու երկրների շահերից է բխում:

«Մենք հույս ունենք, որ Հայաստանի և Ադրբեջանի նախագահները կընդունեն, որքան հնարավոր է շուտ, Փարիզում գագաթաժողով անցկացնելու` ֆրանսիայի նախագահ Ֆրանսուա Օլանդի հրավերը և կհամաձայնեն կառուցվածքային բանակցություններ անցկացնել, որոնք կհանգեցնեն խաղաղ համաձայնության»,- ասել է Պսակին:

Պսակին նաև նշել է, որ ԱՄՆ-ը կոչ է անում կողմերին` նվազեցնել լարվածությունը և զերծ մնալ հայտարարություններից, որոնք կարող են էլ ավելի սրել իրավիճակը: