Սահակաշվիլիի կառավարման տարիներին գոյություն են ունեցել «մահվան ջոկատներ»

Խոսակցություններն այն մասին, թե Վրաստանի նախկին նախագահ Միխեիլ Սահակաշվիլիի պաշտոնավարման տարիներին եղել են, այսպես կոչված, «մահվան ջոկատներ», շրջանառվում էին վաղուց, սակայն այժմ դա  հաստատվում է պաշտոնական մակարդակով. հայտնում է  Взгляд-ը։

«Մահվան ջոկատ» Վրաստանում կոչում են մարդկանց այն խումբը, որն առանց դատավարության վերացնում էին «ոչ պիտանիներին»։ Մարդիկ անհետանում էին հանելուկային պայմաններում, և նրանց հարազատները ոչինչ չէին կարողանում պարզել նրանց մասին։

Վրաստանի ՆԳՆ-ն հաղորդել է  առաջին քննության մանրամասները։ Հայտարարվել է առնվազն երկու առևանգման և վերացման դեպքի մասին։ Երկու դեպքերն էլ տեղի են ունեցել 2008-ի պատերազմից հետո, երբ «լրտեսների» որս էր սկսվել։ Այդ գործով ձերբակալված` ՆԳՆ սահմանադրական անվտանգության վարչության ղեկավար Ռոման Շամատավային ցմահ ազատազրկում է սպառնում։