Բողոքի ակցիա` նախագահականի դիմաց. տրետուքցիները պնդում են, որ գյուղապետի ընտրությունները կեղծվել են

Այս պահին Գեղարքունիքի մարզի Վարդենիսի շրջանի Տրետուք գյուղի բնակիչները բողոքի ակցիա են իրականացնում Բաղրամյան 26-ի դիմաց: Այս մասին հայտնում է galatv.am-ը:

«Գյուղաբնակները դժգոհ են հունիսի 8-ին տեղի ունեցած գյուղապետի ընտրությունների արդյունքներից: Առաջադրված են եղել երկու թեկնածու՝ Ալիկ Եղիազարյանն ու Հովհաննես Երանոսյանը: Հունիսի 8-ի երեկոյան, երբ ամփոփվել են ընտրությունների նախնական արդյունքները, ըստ գյուղաբնակների, պարզ է դարձել, որ գյուղապետ է ընտրվել Հովհաննես Երանոսյանը, ով գյուղում է ապրում:

Մինչդեռ, հաջորդ օրը, երբ վերջնական արդյունքներն են հրապարակվել, պարզ է դարձել, որ նորընտիր գյուղապետը Ալիկ Եղիազարյանն է: Գյուղացիները պնդում են, թե կեղծիք է տեղի ունեցել, քանի որ մյուս թեկնածուն 13 ձայնի առավելություն է ունեցել, իսկ երբ ձայները վերահաշվարկվել են Սևանում, նախապես անվավեր համարված 20 քվեաթերթիկ ավելացվել է Ալիկ Եղիազարյանի օգտին, ով հարակից համայնքի բնակիչ է»,- գրում է կայքը:

Մանրամասները` սկզբնաղբյուր կայքում: