Սիրիայում ադրբեջանցի զինյալները պատռում են իրենց անձնագրերը

Ադրբեջանցի զինյալները զանգվածաբար պատռում են իրենց անձնագրերը. հաղորդում է «Բերիո լուրերը»` վկայակոչելով ադրբեջանական Haqqin.az-ը:

Ադրբեջանական կայքը հայտնել է, որ Սիրիայում կռվող ադրբեջանցի զինյալները պատռում են իրենց անձնագրերը, որոնք տրամադրված են եղել Ադրբեջանի պետական մարմինների կողմից:

Համացանցում տարածված լուսանկարներում տեսանելի են նրանց պատռված անձնագրերը: Լուսանկարը տեղադրված է զինյալներից մեկի` Յահյա Ազերիի անձնական էջում: Հաղորդում են, որ նա եղել է Սիրիայում կռվող ադրբեջանցի հրամանատար և վերջերս սպանվել է: Ենթադրվում է, որ նրա համացանցային կայքն այժմ օգտագործում է նրա կինը:

«Ադրբեջանական անձնագրերի ցուցադրական ոչնչացումը վկայում է այն մասին, որ ծայրահեղական իսլամականները չեն ճանաչում Ադրբեջանը և հրաժարվում են այդ երկրի քաղաքացիությունից` ցույց տալով իրենց թշնամական վերաբերմունքը այդ երկրի նկատմամբ»,- գրում է ադրբեջանական կայքը: