Հայաստանի ազգային հավաքականն առաջին մարզումն անցկացրեց Շվեյցարիայում

Մայիսի 25-ին Հայաստանի ազգային հավաքականը՝ Բեռնար Շալանդի գլխավորությամբ, անցկացրեց առաջին մարզումը Շվեյցարիայում՝ «Դոմեն դե դիվոն» հյուրանոցից ոչ հեռու գտնվող մարզադաշտում: ՀՖՖ պաշտոնական կայքը տեղեկացնում է, որ մարզմանը մասնակցել են հավաքական հրավիրված բոլոր ֆուտբոլիստները: Արդեն թիմին են միացել նաև Արտակ Եդիգարյանը, Մաուրո Գեւգեոզյանը և Վահագն Միլիտոսյանը, ով հրավիրվել է հավաքական փորձարկման նպատակով:

Մարզման ընթացքում ֆուտբոլիստները կատարեցին մի շարք վարժություններ գնդակով և առանց գնդակի, որից հետո անցկացրեցին երկկողմանի խաղ:

Հայասատանի ազգային հավաքականը ևս մեկ մարզում կանցկացնի վաղը՝ մայիսի 26-ին` ժամը 19:30-ին: Մայիսի 27-ին՝ ժամը 21:00-ին, Ժնևի «Ֆոնտենետ» մարզադաշտում տեղի կունենա ԱՄԷ-Հայաստան ընկերական հանդիպումը: