Ռուսաստանը Ղրիմի վրա ծախսել է 70 մլրդ ռուբլի. Մեդվեդև

Ղրիմն իրեն միացնելու պահից ի վեր Ռուսաստանն այդ տարածաշրջանի վրա ծախսել է 70 մլրդ ռուբլի: Այս մասին ասել է Ռուսաստանի վարչապետ Դմիտրի Մեդվեդևը «Россия» հեռուստաընկերությանը տված հարցազրույցում:

Սրա մեջ մտնում է նաև առանձին դաշնային սուբյեկտ համարվող Սևաստոպոլում ծախսված գումարը: Մեդվեդևի խոսքով՝ գումարը ծախսվել է, որպեսզի այդ տարածաշրջանները «սկսել շնչել մյուսների նման»:

Ռուսաստանի վարչապետը հերքել է տեղեկություններն այն մասին, որ Ղրիմի զարգացմանն ուղղված գումարները վերցնում են նպատակային այլ ծրագրերից: «Այն ամենը, ինչ ուղղվում է դեպի Ղրիմ, ուղղվում է մեր ներքին պահուստից: Այսինքն՝ ոչ մեկ ռուբլի, որը պետք է ծախսվեր, ենթադրենք, կոնկրետ տարածքի ֆինանսավորման վրա, չի ուղղվել Ղրիմ»,- ասել է Մեդվեդևը:

Ապրիլին, ելույթ ունենալով իր ամենամյա «Ուղիղ գիծ» հեռուստածրագրով, Ռուսաստանի նախագահ Վլադիմիր Պուտինը հայտարարել էր, որ 2014 թվականին Ղրիմի վրա կծախսվի 100 մլրդ ռուբլի: