Համերգ` նվիրված Տիգրան Մանսուրյանի 75-ամյակին

Այս տարի նշվում է հայ մեծանուն կոմպոզիտոր Տիգրան Մանսուրյանի 75-ամյակը: Մայիսի 29-ին Կոմիտասի անվան կամերային երաժշտության տանը տեղի կունենա Հայաստանի պետական կամերային նվագախմբի և Հայաստանի պետական կամերային երգչախմբի համատեղ համերգը` նվիրված մաեստրոյի 75-ամյակին:

Համերգի ծրագրում ընդգրկված են կոմպոզիտորի «Տարվա եղանակներ», «Ջութակի կոնցերտ», «Canti Paralleli», «Երեք խմբերգ», «Արվեստ քերթության» ստեղծագործությունները: Որպես մենակատարներ` հանդես կգան Անուշ Նիկողոսյանը /ջութակ/, Իրինա Զաքյանը/սոպրանո/ և Արթուր Ավանեսովը/դաշնամուր/:

Համերգը կղեկավարի Հայաստանի պետական կամերային երգչախմբի գեղարվեստական ղեկավար և դիրիժոր Ռոբերտ Մլքեյանը: