Կոլումբիայում հայտարարվել է եռօրյա սուգ

Այսօր Կոլումբիայում հայտարարվել է եռօրյա սուգ մայիսի 18-ին 33 երեխայի մահվան առիթով: Այս մասին հայտնում է РИА Новости-ն:

Ողբերգությունը տեղի է ունեցել, երբ անչափահասների տեղափոխող ավտոբուսում հրդեհ է բռնկվել:

Կոլումբիայի նախագահ Խուան Մանուել Սանտոսն այցելել է հրդեհի զոհերի հարազատներին: Նախագահն իր ենթականերին հանձնարարել է մշակել պետության կողմից տրանսպորտի նկատմամբ վերահսկողությունն ուժեղացնելու մեխանիզներ: Այս ոլորտն այժմ վերահսկում են քաղաքապետարանները:

Հետաքննության արդյունքներով՝ այրված ավտոբուսի վարորդն ապօրինի կերպով է զբաղվել ուղևորափոխադրումներով: Ողբերգության օրն ավտոբուսի սրահը գերբեռնված է եղել, իսկ վարորդը նույնիսկ չի ունեցել վարորդական իրավունքներ: