1000 ժամկետային զինծառայողների ծնողներ սահմանամերձ զորամասերում հանդիպեցին իրենց որդիների հետ

Արդեն երկրորդ տարին անընդմեջ երևանաբնակ ժամկետային զինծառայողների ծնողները հնարավորություն են ստանում այցելելու և տեսակցելու իրենց զավակներին: Այս տարի Տավուշի, Սյունիքի մարզերի և ՀՀ հարավարևելյան սահմանամերձ տարածքների զորամասեր կուղևորվեն շուրջ 1000 ժամկետային զինծառայողների ծնողներ Երևանի բոլոր վարչական շրջաններից:

Հայաստանի հարավարևելյան սահմաններ ուղևորվող ավտոբուսները մեկնել են մայիսի 16-ի ուշ երեկոյան քաղաքապետարանի վարչական շենքի հարակից տարածքից, իսկ Տավուշի և Սյունիքի մարզեր ուղևորվող ավտոբուսները՝ մայիսի 17-ի վաղ առավոտյան:

Ծնողների այցի համար տրամադրված ավտոբուսները ճանապարհին ուղեկցում էին ճանապարհային ոստիկանության մեքենաները, ավտոբուսներում կային բժիշկներ:

Այցը նախաձեռնում է Երևանի քաղաքապետ Տարոն Մարգարյանը, ում խոսքով՝ այսպիսի այցերը լինեն շարունակական, ավելի հաճախակի ու բազմամարդ: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: