Խաբելով, ֆռցնելով, խոստանալով-չանելով, իջնել-խոսալով, թատրոններ անելով. Փաշինյանը` վարչապետի մասին

ԱԺ ՀԱԿ խմբակցության պատգամավոր Նիկոլ Փաշինյանն այսօր ԱԺ նիստում խիստ քննադատության ենթարկեց Հովիկ Աբրահամյանին` խոսելով կուտակայինի թեմայի մասին: Նրա խոսքով` նորանշանակ վարչապետ Հովիկ Աբրահամյանը, կուտակայինի հարցում ճարպկություն ցուցաբերելով, փորձում է քաղաքական խաբս տալ հարցի լուծումից:

«Վարչապետը մի բան է ասում, պատգամավորները` այլ բան: Մի հատ կողմնորոշվեք: Խաչաձև հարցաքննությունների արդյունքում միայն կարողանում ենք հասկանալ, թե ով ինչ է ուզում ասել»,- ասաց Փաշինյանը` հավելելով, որ վարչապետի տաղանդը բացահայտվում է կառավարության առջև բողոքի ցույցերի ժամանակ, երբ Հովիկ Աբրահամյանը կասի` ախպե'ր ջան, թող չփոխանցեն, ես ի՞նչ անեմ:

«Կառավարության խոստումների մեջ կշիռ չկա, գյոլ չկա: Խաբելով, ֆռցնելով, խոստանալով-չանելով, իջնել-խոսալով, թատրոններ անելով` Հովիկ Աբրահամյանը կասի` ես էլ եմ դեմ: Այո, դեմ եք, բայց անում եք հակառակը…»,- հայտարարեց Փաշինյանը: