Աշոտյանը շաբաթօրյակի շրջանակներում իրերն է հավաքել

«Ժողովուրդ»-ի լավատեղյակ աղբյուրները հաղորդում են, որ ՀՀ կրթության և գիտության նախարարի պաշտոնակատար Արմեն Աշոտյանը մի քանի օր առաջ արդեն սկսել է իր աշխատասենյակի իրերը հավաքել։

«Բանն այն է, որ Ա. Աշոտյանը տեղյակ է, որ ինքը չի վերանշանակվելու նախարարի պաշտոնում, ինչի համար էլ նախապատրաստվել է։ «Ժողովուրդ»-ը փորձեց Արմեն Աշոտյանից պարզել՝ արդյոք արդեն հավաքել է իր անձնական իրերը. «Ես մասնակցել եմ համաքաղաքային շաբաթօրյակին, ինչպես քաղաքի տեսանելի վայրերում, այնպես էլ անտեսանելի, ինչպիսին իմ աշխատասենյակն է, այն մաքրված է ավելորդ թղթերից, գույքագրվել է ամբողջ իմ գրադարանային ֆոնդը, մի մասը նվիրաբերել եմ Արդարադատության նախարարությանը՝ գաղութների գրադարանների համար»»,- գրում է թերթը։

Հիշեցնենք, որ Yerkir.am-ը երեկ արդեն տեղեկացրել էր, որ Աշոտյանը չի լինելու նոր կառավարությունում: Մենք նաեւ տեղեկացրել ենք, թե ով է լինելու նոր նախարարը: