Ամռանը Վրաստանը ասոցացման համաձայնագիր կստորագրի ԵՄ-ի հետ

«Գրուզիա օնլայն» կայքը տեղեկացնում է, որ այսօր Թբիլիսիում տեղի ունեցած` Վրաստանի, Ֆրանսիայի և Գերմանիայի ԱԳ նախարարների հանդիպումից հետո Գերմանիայի արտգործնախարար Ֆրանկ Վալտեր Շտայնմայերը համատեղ ասուլիսում հայտարարել է, որ իր նախորդ այցելությունից հետո Վրաստան «շատ բան է փոխվել»:

«Թարմացվել է քաղաքական համակարգը, հաջողվել է հաղթահարել կոռուպցիան: Ես վստահ եմ, որ առաջիկա ամռանը մենք Վրաստանի հետ կստորագրենք ասոցացման համաձայնագիրը, դրանում ոչ մի կասկած չունեմ»,- հայտարարել է նա:

Իսկ Վրաստանի վարչապետ Իրակլի Գարիբաշվիլիի հետ հանդիպման ժամանակ ԵՄ անդամ երկրների ԱԳ նախարարները քննարկել են Վրաստանի ինտեգրումը ոչ միայն ԵՄ-ին, այլև ՆԱՏՕ-ին: