Ապրիլի 24-ին միավորված հայեր ենք, բայց հաջորդ օրվանից նույն զիբիլն ենք. Լևոն Իգիթյան

Ճարտարապետ, Երևանի ավագանու անդամ Լևոն Իգիթյանը չի հավատում Էրդողանի ոչ մի հայտարարության, որովհետև դա թուրքական հերթական խաղն է:

«Էրդողանը թուրք ա , ի՞նչ պիտի ասի, ճշմարտություն եք ուզում թուրքի՞ց:  Էն, որ ինչ-որ երկրներ  իրանց կոնգրեսներում հավաքվում են ու սկսում քննարկել, բայց էդտեղ քննարկելու բան կա՞»,- ասաց նա:

Իգիթյանի  կարծիքով` համամարդկային որակից ու խղճի առկայությունից է կախված, թե որ պետությունը կընդունի Հայոց ցեղասպանությունը: Իսկ եթե աշխարհը չունի այդ խիղճը, ուրեմն հայ ազգը պետք է այնքան ուժեղ լինի, որ կարողանա պարտադրել ճանաչելը: Ըստ նրա` հայ ազգը պետք է ուժեղանա` հրեաներից օրինակ վերցնելով:

«Այն ձևով, որով մենք ենք ապրում, դժվար էլ թե ուժեղանանք: Չարությամբ և չկամությամբ ենք ապրում, ու այդպես է 5000 տարի, ու դասեր չենք քաղում դրանից: Սկզբից մենք մեզ պետք է մաքրենք: Իրար ոնց ենք վերաբերվում: Ապրիլի 24-ին միավորված հայեր ենք, բայց հաջորդ օրվանից նույն զիբիլն ենք»,- ասաց Լևոն Իգիթյանը: