Ամերիկացիները չհանձնեցին Ալյասկան ռուսներին

Gazeta.ru-ն տեղեկացնում է, որ Սպիտակ տան կայքից հանվել է ԱՄՆ Ալյասկա նահանգը Ռուսաստանին միացնելու մասին հանրային խնդրագիրը:

Նշենք, որ նման խնդրագիր կայքում տեղադրել էր մի չներկայացած քաղաքացի, և համաձայն ԱՄՆ օրենսդրության` եթե Սպիտակ տան կայքում տեղադրված խնդրագիրը որոշակի ժամանակահատվածում հավաքի 100 հազար ձայն, ապա Սպիտակ տունը պարտավոր է բավարարել այն:

Կոնկրետ Ալյասկան ռուսներին վերադարձնելու խնդրագիրը հատկացված ժամանակահատվածում հավաքել է միայն 42 հազար: Փաստորեն, այսքան ԱՄՆ քաղաքացիներ դեմ չեն, որպեսզի ոսկով հարուստ նահանգներից մեկը տրվի ռուսներին:

Հիշեցնենք, որ օրերս կայացած` Պուտինի մեծ ասուլիսում ՌԴ նախագահը Ալյասկան վերադարձնել ցանկացողներին հորդորեց «չտաքանալ»: