Քեսաբը պիտի վերադառնա և քեսաբցին պիտի գոյատևի

Վրեժ Գարամարտյանը իր ֆեյսբուքյան էջում գրում է.

«Սիրելի հարազատներ

Քեսաբի վերաբեյալ նախ տեղեկացնեմ, որ մարդկային վնաս չկա՝ կանխելով ձեր մտահոգությունները: Բնակչությունը ամբողջությամբ տեղափոխվեց Լաթաքիա: Մեծամասնությունը տեղավորվեց տներում, քանզի մեծամասնությունը կամ հարազատ ունի, կամ՝ բարեկամ, կամ՝ տուն : Իսկ մոտ 250 հոգի տեղավորվեցին եկեղեցու զույգ սրահների մեջ: Լաթաքիայի բոլոր միությունները և կազմակերպությունները աշխուժ գործի լծված են՝ ապահովելու կենցաղային բոլոր կարիքները : Լաթաքիայի մակարդակով զորաշարժի ենք ենթարկել տարբեր կազմակերպություններ , բարեսիրական միություններ և պետական հաստատություններ ինչպես նաեւ անհատ բարերարներ : Օգնող ձեռքերը շատ են : Մտահոգվելու կարիք չկա: Իսկ ինչ վերաբերում է լուրերին , խորհուրդ եմ տալիս հետևել Facebook -ի Գանձասար , Perio News և Inch ga chiga էջերին : Ձեզ բարի Օր : Քեսաբը պիտի վերադառնա և քեսապցին պիտի գոյատևի»: