Կինն ու աներձագը խաբել են ադրբեջանցի գործարարին

Կ.Պոլսում դեկտեմբերի 17-ի հակակոռուպցիոն գործողության ժամանակ ձերբակալված և մինչ օրս կալանքի տակ գտնվող ադրբեջանցի գործարար Ռեզա Զարրաբի կինը՝ հայտնի թուրք երգչուհի Էբրու Գյունդեշը, եւ նրա եղբայրը՝ Ջենգիզ Քումարթաշըօղլուն, խաբել են նրան:

Ըստ haberler-ի՝ Զարրաբի ձերբակալությունից հետո կինն ու աներձագը նրան այցելել են բանտում, և կինը նրանից 200 հազար դոլար է պահանջել` ասելով, որ դատավարության համար է:

Milliyet-ը պարզել է, որ այդ գումարը ո՛չ թե դատավարության համար է եղել, այլ երգչուհու եղբոր:

Գաղտնալսումների ժամանակ ուշագրավ է եղել աներձագի և կնոջ երկխոսությունը, որի ընթացքում աներձագն ասում է, որ ամաչում է նման պահանջով դիմել իր «գեներալին» (նա այդպես է դիմում Զարրաբին), և քրոջը խնդրում է, որ ամուսնուն նա դիմի:

Նշենք, որ սկզբում երգչուհին հերքում էր այս փաստը, սակայն հետագայում ընդունել է և ասել` «եղբայրս դրա կարիքն ուներ»: