Ղարաբաղյան նոր պատերազմի դեպքում կմիջամտեն Մոսկվան և Անկարան. ամերիկացի վերլուծաբան

Հայաստանի եւ Ադրբեջանի միջեւ նոր պատերազմը էապես կտարբերվի 90-ականների Ղարաբաղյան պատերազմից. կարծիք է հայտնել Ամերիկյան արտաքին քաղաքականության խորհրդի` Եվրոպայի ու Եվրասիայի հարցերով վերլուծաբան Ուեյն Մերին. հայտնում է Голос Америки-ն:

Մերիի խոսքով՝ կողմերը հավանաբար ուզում են սկսել մի կարճ պատերազմ՝ սպասելով մեծ տերությունների միջամտությանը։ «Սակայն ռազմական եղանակով խնդիրը լուծելու համար ավելի դաժան պատերազմ է հարկավոր` կողմերը պիտի անցնեն մեկը մյուսի սահմանը, գրավեն տարածքներ, դառնան քաղաքացիական զոհերի պատճառ։ Ես կասկածում եմ, որ ռազմական բախումը քաղաքական լուծում կտա»,- ասել է նա:

Ըստ նրա՝ պատերազմը կարող է մեծ պարտություն լինել երկուսի համար էլ:

Վերլուծաբանի կարծիքով՝ գլխավոր վտանգն այն է, որ հնարավոր նոր պատերազմին կարող են միջմտել Մոսկվան և Անկարան: