ՕԵԿ-ն անհանգստացած է ՌԴ արտագնա աշխատանքի մեկնող հայերի խնդրով

ՕԵԿ-ը վաղը շահագրգիռ անձանց հետ կազմակերպելու է քննարկում, որպեսզի որոշումներ կայացվեն միգրացիայի վերաբերյալ ՌԴ նոր օրենքի կապակցությամբ, որը, ըստ էության, մեծ խոչընդոտ է դարձել ՌԴ արտագնա աշխատանքի մեկնող հայերի համար: Այսօր այդ մասին խորհրդարանական ճեպազրույցում հայտարարեցին ՕԵԿ-ական պատգամավորներ Հովհաննես Մարգարյանը եւ Մհեր Շահգելդյանը:

Նրանք տեղեկացրեցին, որ ԱԱԽ քարտուղար Արթուր Բաղդասարյանը նաեւ գրությամբ դիմել է ՌԴ իր գործընկերոջը`Պատրուշեւին, խնդրի վերաբերյալ քննարկումներ անցկացնելու եւ որոշումներ կայացնելու համար:

Հիշեցնենք, որ մայիսին Հայաստանը վերջնական որոշում է կայացնելու ՄՄ-ին անդամակցության վերաբերյալ: Դրական որոշման դեպքում մաքսային ընդհանուր տարածքում սույն օրենքով նախատեսված սահմանափակումները չպետք է գործեն, քանի որ նախատեսված է ազատ տեղաշարժ: Լրագրողների այս դիտարկմանը պատգամավորները պատասխանեցին, որ վաղը նախատեսված քննարկման ընթացքում նաեւ այդ հարցերին անդրադարձ կլինի: