ԵԽԽՎ-ից մեծ ակնկալիքներ պետք չէ ունենալ. Դավիթ Հարությունյան

ԵԽԽՎ նոր նախագահ Անն Բրասերի այց Հայաստան առաջիկայում չի նախատեսվում, բայց ի պաշտոնե նա այցելելու է Ադրբեջան, քանի որ հաջորդ տարի ԵԽԽՎ-ում նախագահությունը ստանձնելու է Ադրբեջանը: Այս մասին լրագրողներին հայտնեց ԵԽԽՎ հայկական պատվիրակության ղեկավար Դավիթ Հարությունյանը՝ պատասխանելով հարցին՝ ինչպե՞ս է տրամադրված ԵԽԽՎ նոր նախագահը Հայաստանի նկատմամբ:

«Կապրենք, կտեսնենք, թե ինչպես է Հայաստանի հանդեպ տրամադրված  ԵԽԽՎ նոր նախագահը: Մեծ ակնկալիքներ պետք չէ ունենալ ԵԽԽՎ-ից: Ինչպես միշտ, նման կառույցները փորձում են տանել բալանսավորված քաղաքակականություն, որը, սակայն, մեր կողմից չի ընդունվում: Այնուամենայնիվ, մենք շարունակ ենք աշխատանքները ԵԽԽՎ-ում»,- ասաց Դավիթ Հարությունյանը: