Չինաստանում Ցեղասպանության 100-րդ տարելիցին նվիրված համե՞րգ կլինի

Այսօր ՀՀ մշակույթի նախարար Հասմիկ Պողոսյանն ընդունել է ՀՀ-ում Իտալիայի նորանշանակ դեսպան Ջովաննի Ռիչուլլիին: 2015-ին մշակութային ծրագրեր կիրականացվեն Նեապոլի Գրիգոր Լուսավորիչ եկեղեցում: Ռիչուլլին կարևորել է ժամանակակից Հայաստանն Իտալիայում ճանաչելի դարձնելու փաստը և իր օժանդակությունն առաջարկել այդ հարցում:

Հասմիկ Պողոսյանն ընդունել է նաեւ Հայաստանում Չինաստանի արտակարգ և լիազոր դեսպան Տյան Չանչունին: Հանդիպման ընթացքում կողմերը խոսել են համատեղ իրականացվող ծրագրերի մասին, մասնավորապես` մարտ ամսին Հայաստանում կայանալիք` խուլ և համրերի պարի համույթի հյուրախաղերի: Բացի դրանից, կարևորվել է նաև Կոնֆուցիուսի ինստիտուտի գործունեությունը, որին ՀՀ մշակույթի նախարարությունն աջակցություն է ցուցաբերում:

Զրույցի ընթացքում Պողոսյանը դեսպանին առաջարկել է Չինաստանում կազմակերպել դասական երաժշտության համերգ՝ նվիրված Հայոց ցեղասպանության 100-րդ տարելիցին: yerkir.am-ին մշակույթի նախարարությունից տեղեկացրոցին, որ, ի պատասխան նախարարի, Չանչունին նշել է, որ իրենք նկատի կունենան նախարարի առաջարկը: