Տրանսպորտի ուղեվարձը հունվարից չի բարձրանա. քաղաքապետի տեղակալ

Այն շահարկումները, որ հունվարի 1-ից տրանսպորտի ուղեվարձը կբարձրանա, չեն համապատասխանում իրականությանը: Այս մասին այսօր` տրանսպորտի ուղեվարձի վերանայման հանձնաժողովի հերթական նիստի ժամանակ, ասաց հանձնաժողովի նախագահ, Երևանի քաղաքապետի տեղակալ Վահե Նիկոյանը:

Նրա խոսքով` ներկայումս մայրաքաղաքի բոլոր երթուղիների հետազոտություն է անցկացվում` պարզելու  համար ուղեւորահոսքի ցուցանիշը, որից հետո կորոշվի 1 ուղևորի տեղափոխման փոխարժեքը: Դրանից հետո կմշակվի սոցիալական առանձին խմբերի համար արտոնությունների տրամադրման գործընթացը:

Փոխքաղաքապետը նշեց, որ ուղևորահոսքի վերաբերյալ նախնական արդյունքները հայտնի կդառնան հունվարի վերջին, որից հետո առարկայական քննարկումներ կունենան` պարզելու համար ուղևորափոխադրման ինքնարժեքը: