Ես սպասում էի այս օրվան. Արայիկ Պետրոսյանն` իր ազատ արձակման մասին

Արդեն հայտնել ենք, որ այսօր «Նուբարաշեն» ՔԿՀ-ից ազատ է արձակվել Պռոշյանի գյուղապետի սպանության գործով կալանավորված Արայիկ Պետրոսյանը: Նախաքննական մարմինը նրա մասնակցությունը հանցագործության կատարման գործում չի հաստատել:

Քիչ առաջ yerkir.am-ի հետ զրույցում Արայիկ Պետրոսյանը նշեց, որ իրեն շատ լավ է զգում և որ ազատ արձակման վերաբերյալ իմացել է առավոտյան:

«Առաջին օրվանից էլ սպասում էի այս պահին, ուղղակի սա շուտ պետք է լիներ, որովհետև ես անմեղ եմ»,- ասաց նա և հավելեց, որ ամենից շատ կարոտել էր երեխաներին, ընտանիքին:

«Ամենաահավորն այն ա, որ մարդն անմեղ ա, նստած ա ու չգիտի, թե ինչի համար ա նստած: Ամենաբարդ բանն է դա, ես սպասում էի այս օրվան, բայց չգիտեմ՝ ինչու այսպես ձգձգվեց»,- ասաց Պետրոսյանը: