Ազատամարտիկները միացան ԱԺ-ի մոտ անցկացվող բողոքի ակցիային

Հենց նոր Ազգային ժողովի առջեւ ընդդեմ պարտադիր կուտակային կենսաթոշակային համակարգի բողոքի ցույց անցկացնող ակտիվիստներին միացան ազատամարտիկները: Նրանց` ցույցին միանալը նոր ոգեւորություն առաջացրեց ակտիվիստների շրջանում, նրանք ազատամարտիկներին դիմավորեցին «Միացում» վանկարկումներով:

Այժմ հնչում են կոչեր սոցիալական տարբեր խմբերին` միավորել ուժերը եւ դուրս գալ պայքարի: Ակտիվիստները համոզմունք են հայտնում, որ միայն միացյալ պայքարի միջոցով հնարավոր կլինի փոխել ինչ-որ բան:

Քիչ առաջ ավարտվեց պարտադիր կուտակային կենսաթոշակային համակարգի կիրառումը հետաձգելու մասին օրենքի նախագծի քվեարկությունը. դեմ էր քվեարկել 54 պատգամավոր: Բողոքողները ողջունեցին դեմ քվեարկած պատգամավորներին, իսկ մյուսների վերաբերյալ սկսեցին գոռալ` «ամոթ»: