Բաքուն պայմաններ է դրել "պուտինյան միության" առաջ

Վիլնյուսյան  գագաթաժողովին զուգահեռ երեկ Կազանում կայացել է «Եվրասիական տնտեսական հեռանկար» միջազգային ֆորումը. հայտնում է Коммерсантъ-ը:

Ֆորումի ընթացքում  քննարկվել են մի շարք հարցեր, այդ թվում՝ Ուկրաինայի` ԵՄ-ի հետ ասոցացման համաձայնագրից հրաժարվելու որոշումը և եվրասիական ինտեգրման մասնակից պետությունների շահերը:

Ադրբեջանի խորհրդարանի տարածաշրջանային հարցերի հանձնաժողովի նախագահ Արիֆ Ռահիմզադեն հայտարարել է, որ Բաքվի՝ եվրասիական ինտեգրման ճանապարհին երկու հիմնական խնդիր կա` ԼՂ հակամարտության լուծումը  և «զգացումը, որ Եվրասիական միությունը ստեղծվում է որպես ԵՄ-ի հակակշիռ»: Ռահիմզադեն խորհուրդ է տվել աշխատել ստեղծվող կառույցի վարկանիշի վրա: