Մարմնավաճառ համասեռամոլների հարցով կդիմեն Վլադիմիր Գասպարյանին

Արդեն տեղեկացրել ենք, որ Կիրովի անվան մանկական զբոսայգում քիչ առաջ ստորագրահավաք է սկսվել` այգին մարմնավաճառներից ազատելու եւ երեխաներին վերադարձնելու պահանջով:

Այգում հավաքված երիտասարդները Yerkir.am-ի թղթակցին ասել են, որ վաղը ՀՀ ոստիկանապետ Վլադիմիր Գասպարյանին նամակ կհանձնեն: Երիտասարդները հանդես կգան խնդրանքով` արգելել մարմնավաճառ համասեռամոլներին` այգին իբրեւ հավաքատեղի օգտագործել:

«Մենք պատրաստ ենք աջակցել ձեզ այս հարցի պատշաճ լուծման համար մեր ուժերի ներածին չափով, որ մեր սիրելի մայրաքաղաքի բարեկեցիկ ու գեղեցիկ տեսքը պահպանվի, ինչպես նաեւ հասարակության բարոյական առողջությունը պահպանվի»,- ասված է «Մենք» ազգային-հայրենասիրական երիտասարդական շարժման նամակում: