Իշխան Զաքարյանի տրամադրությունը բարձր է. կշարունակի պաշտոնավարել

Այսօր Վերահսկիչ պալատի նախագահ Իշխան Զաքարյանը եկել էր ԱԺ պատգամավոր Մհեր Սեդրակյանի մոտ: Կես ժամ մնալուց հետո նա դուրս եկավ բարձր տրամադրությամբ: Լրագրողների հարցերին չցանկացավ պատասխանել` ասելով. «Ձեզ հետ լավ է, բայց ձեր հարցերին կպատասխանեմ այն ժամանակ, երբ կներկայանամ Ազգային ժողով»:

Հիշեցնենք, որ առաջիկայում լրանում է ՎՊ նախագահ Իշխան Զաքարյանի պաշտոնավարման ժամկետը, և առայժմ, գոնե պաշտոնապես, չի ակնարկվում` նա կվերանշանակվի՞ իր պաշտոնում, թե՞ ոչ:

Մեր տեղեկություններով` Իշխան Զաքարյանը շարունակելու է մնալ իր պաշտոնում, հարցը վերջնականպես փակված է, ուստի Զաքարյանի այսօրվա բարձր տրամադրությունը լիովին հասկանալի է: