Կրքերը չեն հանդարտվում. ՀԱՕԿ-ը կրկին հայտարարություն կանի

ԱԺ ավանդական ճեպազրույցում պատասխանելով Yerkir.am-ի հարցին, թե ինչ հանգուցալուծում կստանա Արթուր Բաղդասարյանի եւ Գագիկ Ծառուկյանի հետ կապված միջադեպը, ԱԺ ԲՀԿ խմբակցության քարտուղար Նաիրա Զոհրաբյանը հայտնեց, որ առաջիկա ժամերին ՀԱՕԿ-ը հստակ պարզաբանմամբ հանդես կգա:

Ինչ վերաբերում է սպորտի և երիտասարդության հարցերի նախարար Յուրի Վարդանյանի որդու հետ կապված միջադեպին` որպես խոչընդոտ նրա հետագա պաշտոնավարմանը, Նաիրա Զոհրաբյանը կարծիք հայտնեց, որ այդ հարցը ցանկացած պաշտոնյայի անձնական, էթիկայի չափորոշիչների տիրույթում է գտնվում: «Իհարկե, նման դեպքեր եղել են, երբ բարձր պաշտոնյաները նման դեպքերում հրաժարական են ներկայացրել»,- նշեց Նաիրա Զոհրաբյանը: