Ավելի քան 5 հազար վրացի ստորագրել է Սոչիի օլիմպիադային Վրաստանի մասնակցության դեմ միջնորդագիրը

 Վրաստանում ավելի քան 5.000 մարդ ստորագրել է Սոչիի օլիմպիադային Վրաստանի մասնակցության դեմ միջնորդագիրը. հայտնում է Новости Грузии-ն: Չեն բացառվում նաև նման պահանջով ակցիաները:

Երկրի վարչապետ Բիձինա Իվանիշվիլիին, Ազգային օլիմպիական կոմիտեի նախագահին և սպորտի ու երիտասարդության հարցերի նախարարին ուղղված փաստաթուղթը համացանցում է հայտնվել երեկ: Ստորագրությունները ժամ առ ժամ ավելանում են:

Հիշեցնենք, որ ավելի վաղ համանման կոչով էր հանդես եկել Վրաստանի նախագահ Միխեիլ Սահակաշվիլին: Նա հայտարարել էր, որ Պուտինն օլիմպիադային ոչ մի հնարավորություն բաց չի թողնի Վրաստանին առավելագույնս նվաստացնելու համար: