Կոստանյանը դեռ մեկնաբանություններ չի անում

Արդեն տեղեկացրել ենք, որ ՀՀ գլխավոր դատախազի պաշտոնում նախագահ Սերժ Սարգսյանն առաջադրել է գործող զինդատախազ Գեւորգ Կոստանյանի թեկնածությունը:

ԱԺ-ից yerkir.am-ի թղթակիցը հաղորդում է, որ քիչ առաջ Կոստանյանը ժամանել է ԱԺ. այսօր նախատեսված է նրա հանդիպումը ԱԺ չորս խմբակցությունների` ՀՅԴ-ի, ՕԵԿ-ի, ԲՀԿ-ի եւ ՀԱԿ-ի հետ: Առաջինը Կոստանյանը հանդիպելու է ՕԵԿ-ի հետ: Հանդիպումն արդեն սկսվել է:

Մինչ հանդիպումը yerkir.am-ի թղթակիցը Կոստանյանից փորձել է պարզել, թե ո՞ր առավելության համար է նախագահը կանգ առել հենց իր թեկնածության վրա, եւ մի քանի այլ հարցեր ուղղել նրան, սակայն Կոստանյանը հայտարարել է, որ հանդիպման է եւ խոստացել է հանդիպումից հետո պատասխանել հարցերին:

Ի դեպ, մինչ ՕԵԿ-ի հետ հանդիպումը, yerkir.am-ի տեղեկություններով, Կոստանյանը զրուցել է ԱԺ նախագահ Հովիկ Աբրահամյանի հետ: