Թբիլիսիում ՍԱՍ կբացվի

Yerkir.am-ի տեղեկություններով` ՀՀԿ-ական պատգամավոր Արտակ Սարգսյանը ցանկանում է ընդլայնել բիզնեսը: Մասնավորապես` Սարգսյան եղբայրները ցանկանում են ՍԱՍ սուպերմարկետների ցանցը բացել Վրաստանում` մայրաքաղաք Թբիլիսիում: Որ շատ հայ գործարարների համար Վրաստանի բիզնես միջավայրն ավելի բարենպաստ է, քան հայրենիքում, գաղտնիք չէ, բայց, մյուս կողմից էլ, օրինակ` ՀՀԿ-ական պատգամավորին դժվար թե հաջողվի նույն ջանասիրությամբ ոտնահարել սուպերմարկետի աշխատողների բոլոր տեսակի` մարդկային եւ աշխատանքային իրավունքները:

Հայաստանում գործող ՍԱՍ սուպերմարկետների աշխատողների աշխատանքային պայմանների վերաբերյալ Yerkir.am-ին մի քանի ուշագրավ դրվագներ են հայտնի դարձել:

Ամբողջ օրը ոտքի վրա անցկացնող աշխատողներն ունեն ընդմիջման ընդամենը 5-7 րոպե, այն էլ` դարձյալ ոտքի վրա: Անմարդկային պայմաններում են հատկապես սուպերմարկետների ներքնահարկում աշխատողները: Ծանր օդով եւ հազիվ լուսավորվող ներքնահարկերում նրանք 10 ժամից ավելի են աշխատում, սակայն նրանց աշխատավարձը անգամ հարյուր հազարի չի հասնում: