Ուսումնական տարին մեկնարկում է բողոքներով

Ուսումնական տարվա առաջին օրը Երեւանում մեկնարկել է բողոքի ցույցերով: Առավոտյան ժամը 9-ից ուսանող ակտիվիստները հավաքվել են ԵՊՀ-ի առջեւ եւ բողոքի ակցիա են իրականացնում` ուսման վարձի վերաբերյալ որոշումները համարելով ապօրինի:

Ակցիային մասնակցում են տարբեր կուրսերի ուսանողներ: Ուսանողները բարձրացել են համալսարանի աստիճանների վրա` մյուսներին եւս կոչ անելով միանալ իրենց, սակայն ոստիկանները պահանջում են իջնել` պատճառաբանելով, թե խանգարում են շարժին: Ուսանողներն էլ հարմար տեղավորվել են գետնին:

Ակտիվիստ Գրիշա Էձգերիձեն yerkir.am-ի հետ զրույցում նշեց, որ պայքարելու են մինչեւ վերջ` վարձավճարների նախկին չափին հասնելու համար:

Նշենք, որ այսօր նախատեսվում է նաեւ երթ դեպի կառավարության շենք, որի կազմակերպիչը ՀՅԴ «Նիկոլ Աղբալյան» ուսանողական միությունն է:

Ըստ մեր տեղեկությունների` ժամը 11-ին ԵՊՀ է այցելելու ՀՀ արտգործնախարար Էդվարդ Նալբանդյանը` հանդիպելու միջազգային հարաբերություններ ֆակուլտետոււմ սովորող ուսանողների հետ: Ակտիվիստներն էլ հույս ունեն հանդիպել նրա հետ: