Իսպանացի մեքենավարը Facebook-ում գլուխ է գովել, թե արագ է վարում գնացքները

Այսօր հայտնի է դարձել Իսպանիայում հուլիսի 24-ի երեկոյան գնացքի վթարի հետեւանքով զոհվածների թիվը: Դատակաբժշկական հետազոտության համաձայն` զոհվել է 78 մարդ. տեղեկացնում է Accosiated Press-ը:

Գնացքը վարող մեքենավարը թեեւ հիվանդանոցում է, սակայն դուրս գրվելուն պես ձերբակալվելու է: Պարզվում է` Ֆրանսիսկո Խոսե Գարսոն Ամոն Facebook-ում գլուխ է գովել, թե արագ է վարում գնացքը: Այսպես` այս տարվա մարտին սոցցանցում նկար է տեղադրել գնացքի արագաչափով, որի սլաքը ցույց է տալիս 200 կմ/ժ. արագություն: Նրա ընկերներից մեկը մեկնաբանություն է գրել` խնդրելով արգելակել, ինչին Ամոն պատասխանել է, որ առայժմ սահմանը չի անցել: Իդեպ, այդ լուսանկարը հեռացվել է նրա էջից վթարից անմիջապես հետո: