Գրիգորիուն քաղաքականապես ոչ պիտանի է եւ ոչ պրոֆեսիոնալ. Մոլդովայի խորհրդարանական հանձնաժողով

Հայաստանի խորհրդարանում Աուրելիա Գրիգորիուի սկանդալային հայտարարությունը բացարձակապես չի համապատասխանում Մոլդովայի դիրքորոշմանը: Խորհրդարանական փաստաբանի ելույթը քաղաքականացված էր, ինչն անթույլատրելի է: Այդ կապակցությամբ փաստվել է պաշտոնյայի քաղաքական անպիտանիությունը եւ ոչ պրոֆեսիոնալիզմը: Այսպիսի եզրակացության է հանգել Մոլդովայի խորհրդարանի մարդու իրավունքների հարցերով հանձնաժողովը այսօր կայացած նիստում:

Սակայն հանձնաժողովի նախագահ Վադիմ Միշինի խոսքերով` վերջնական որոշում դեռեւս չի կայացվել. տեղեկացնում է piblika.md-ն:

«Գրիգորիուի ելույթը կապված չէ ո'չ խորհրդարանի եւ ո'չ էլ, ընդհանուր առմամբ,  Մոլդովայի Հանրապետության դիրքորոշման հետ: Դա նրա անձնական դիրքորոշումն է: Մենք ունենք Մերձդնեստր, մենք գիտակցում ենք, թե որքան նուրբ թեմա է դա: Մենք հասկանում ենք, թե որքան սխալ է վարվել Գրիգորիուն` այդպես ելույթ ունենալով, իրավական գնահատականներ տալով հայկական եւ ադրբեջանական կողմերին, Մոլդովայում մարդու իրավունքների մասին խոսելու փոխարեն»,- հայտարարել է Միշինը: