Պարզապես մենք ուժեղ ենք "Բորուսիա"-ից. Ռիբերի

Մյունխենի «Բավարիա»-ի ֆրանսիացի կիսապաշտպան Ֆրանկ Ռիբերին վստահ է, որ Չեմպիոնների լիգայի եզրափակիչում իր թիմը առավելության կհասնի «Բորուսիա»-ի նկատմամբ:

«Ես տպավորված եմ նրանով, թե ինչպես «Բորուսիա»-ն հաղթահարեց «Ռեալ»-ի արգելքը, բայց մենք պարտավոր ենք մտածել միայն մեր մասին: Պարզապես մենք ուժեղ ենք «Բորուսիա»-ից: Եթե լիարժեք պատրաստված լինենք, միանշանակ կհաղթենք: Մենք լավ ուսումնասիրել ենք բորուսիացիներին: Նրանք հրաշալի են  պաշտպանվում և հիանալի թիմ ունեն: Այնուամենայնիվ, ամեն ինչ անելու ենք, որպեսզի տիտղոսը բերենք Մյունխեն»,- Ռիբերիի խոսքեր է մեջբերում Goal.com-ը:

Չեմպիոնների լիգայի եզրափակիչը կկայանա մայիսի 25-ին: