Ֆրանկ Ռիբերին նեղացել է Բոատենգից

Գերմանական հին և բարի ավանդույթի համաձայն` Բունդես լիգայում հաղթած թիմնը իր հաղթանակը նշում է գարեջրի մեծ քանակությամբ:

Մյունխենի «Բավարիա»-ն, որը գերմանական առաջնության առաջատարն է, հաղթանակը նշելու բոլոր արարողությունները թողել էր վերջին` «Աուգսբուրգ»-ի հետ խաղից հետո (3:0):

Մյունխենցիների երջանկացած պաշտպան  Ջերոմ Բոատենգը մեջքից «հարձակվել է» Ֆրանկ Ռիբերիի վրա և մեծ քանակությամբ գարեջուր լցրել ֆրանսիացու գլխին: Երևում է պաշտպանը մոռացել էր, որ Ռիբերին մուսուլման է, և նրա հավատը թույլ չի տալիս ալկոհոլ օգտագործել: Daily Mail-ի հաղորդմամբ` ֆրանսիացին անգամ հայտարարել է, որ այլևս չի խոսելու Բոատենգի հետ: Այնուհետև այդ լուրը հեռացվել է նրանց կայքից:

Դեպքի մասին  Ջերոմ Բոատենգն ասել է. «Իմ և եղբորս` Ռիբերիի միջև ամեն ինչ լավ է: Դա ալկոհոլ չպարունակող գարեջուր էր: Ամեն ինչ կարգին է...»,- պաշտպանի խոսքն է մեջբերում Welt-ը: