Գո՞հ է Սերժ Սարգսյանը ՀՀԿ-ի քարոզարշավից

ՀՀԿ ԳՄ այսօրվա նիստում կառավարության կազմի վերաբերյալ հարցեր չեն քննարկվել: Այս մասiն նիստի ավարտից հետո լրագրողների հետ զրույցում հայտնեց ՀՀԿ մամլո խոսնակ Էդուարդ Շարմազանովը եւ հավելեց, որ նիստի ընթացքում քննարկվել են Երևանի ավագանու ընտրությունների հետ կապված հարցեր:

Անդրադառնալով օրերս Տարոն Մարգարյանի քարոզարշավի ժամանակ Ilur.am կայքի լրագրողի հետ կապված միջադեպին, Շարմազանովը նշեց, որ ինքը դատապարտում է լրագրողի, քաղաքացու հանդեպ կիրառված ցանկացած բռնություն, իսկ միջադեպով զբաղվում են իրավապահ մարմինները:

Yerkir.am-ի դիտարկմանը, թե գո՞հ է արդյոք Սերժ Սարգսյան ՀՀԿ նախընտրական քարոզարշավից, Շարմազանովն արձագանքեց. «Մենք բոլորս գոհ կամ դժգոհ չլինելը կտեսնենք մայիսի 5-ին: Ես արդեն նշեցի, որ մենք դրական ենք գնահատում քարոզարշավը»: