Չեխիայի ԱԳ նախարարը չի պատրաստվում ներողություն խնդրել Ադրբեջանի իշխանություններից

Չեխիայի ԶԼՄ-ները շատ են անդրադառնում երկրի արտգործնախարար Կարել Շվարցենբերգի հետ կապված սկանդալին. նա Ադրբեջանում իշխող վարչակազմին «բռնապետություն» է անվանել: Որոշ տեղեկություններով` Ադրբեջանի իշխանությունները Շվարցենբերգին մեսիջ են հղել, որը հարկ է ներողություն խնդրել, այլապես նրան չեն հրավիրի Բաքու. Շվարցենբերգը պետք  Բաքու այցելեր ապրիլին. տեղեկացնում է contact.az-ը:

«Ես ներողություն չեմ խնդրի ճշմարտությունն ասելու համար»,- ըստ չեխական Pravo-ի` հայտարարել է Շվարցենբերգը:

Ամեն ինչ սկսվել է մարտի 4-ին Պրահայում ադրբեջանցի փաստաբան եւ իրավապաշտպան Ինտիգամ Ալիեւի պարգեւատրման արարողությունից: Նախարարը, ելույթ ունենալով, հայտարարել է, որ Արեւմուտքը չպետք է ջայլամի քաղաքականություն վարի, երբ Ադրբեջանում ոտնահարվում են մարդու իրավունքները: