Վենեսուելայի ԿԸՀ-ն համաձայնել է վերահաշվարկ կատարել

Վենեսուելայի Ազգային ընտրական խորհրդի ղեկավար Վիսենտե Դիասը համաձայնել է ձայների վերահաշվարկին. հայտնում է Лента.ру-ն: Նա իր որոշումը բացատրել է այն բանով, որ երկու թեկնածուների հավաքած ձայների տարբերությունը չնչին է:

Հաշվի առնելով այն, որ Չավեսի մահից հետո իրավիճակը երկրում բավականին լարված է, Դիասը հրահանգել է, որ ընտրական հանձնաժողովի անդամները վերահաշվարկ կատարեն և կրկին ստուգեն թեկնածուների արդյունքները:

Հաղթող ճանաչված Նիկոլաս Մադուրոն հայտարարել է, որ համաձայն է վերահաշվարկ կատարելուն: Նա ասել է, որ վախենալու պատճառ չունի, ձայների վերահաշվարկը միայն կհաստատի իր հաղթանակը:

Հիշեցնենք, որ ընդդիմության ներկայացուցիչ Էնրիկե Կապրիլեսը հրաժարվել է ընդունել ընտրությունների արդյունքները` կեղծ անվանելով դրանք: