Այս անգամ ֆեմենուհիները մերկացել են Պուտինի եւ Մերկելի առաջ

Ուկրաինական FEMEN շարժման ակտիվիստներն ակցիա են անցկացրել Հանովերի արդյունաբերական տոնավաճառում այն ժամանակ, երբ այնտեղ են գտնվել  Գերմանիայի առաջնորդ Անգելա Մերկելն ու ՌԴ նախագահ Վլադիմիր Պուտինը. հայտնում է Интерфакс-ը:

Այն պահին, երբ երկու երկրների առաջնորդները կանգնած են եղել Volkswagen ընկերության ցուցանակի մոտ, մի քանի ֆեմենուհիներ ներխուժել են, մերկացել մինչև գոտկատեղը և սկսել անպարկեշտություններ բղավել: Նույն արտահայտությունները գրված են եղել նրանց մարմիններին:

Hannoversche Allgemeine-ի լուսանկարում երևում է, որ Պուտինը, կարելի է ասել, լավ էլ նկատել է աղջիկներից մեկին, ավելին` գնահատել է` վերև բարձրացրած բութ մատով: