ՄԱԿ-ը կոչ է անում ԱՄՆ-ին` փակել Գուանտանամոյի բանտը

ԱՄՆ խորհրդարանի բոլոր ճյուղերը պետք է միավորեն ջանքերը Գուանտանամոյի բանտը փակելու ուղղությամբ, քանի որ այնտեղ ոտնահարվում են միջազգային նորմեր. հայտարարել է ՄԱԿ-ի մարդու իրավունքների հարցերով գերագույն հանձնակատար Նավի Պիլայը:

4 տարի առաջ Պիլայը ողջունել էր ԱՄՆ նախագահ Բարաք Օբամայի` բանտը փակելու խոստումը, սակայն այսօր նա հուսախաբված է, քանի որ ոչինչ չի փոխվել. տեղեկացնում է BBC-ն: Պիլայը հայտարարել է, որ բանտարկյալների հայտարարած հացադուլը վկայում է, որ նրանց հուսահատությունը չափ չունի:

Կուբայում տեղակայված ԱՄՆ ռազմակայանում 2001-ի սեպտեմբերին ստեղծվել է Աֆղանստանում գերվածների բանտ, որոնց դատապարտել են ահաբեկչության մեղադրանքով: