Յաննի հետ Հայաստան է գալու նաեւ Սամվել Երվինյանը

Ապրիլի 20-ին եւ 21-ին Կարեն Դեմիրճյանի անվան մարզահամերգային համալիրում համերգով հանդես կգա աշխարհահռչակ երգահան եւ երաժիշտ Յաննին:

Yerkir.am-ին նախագծի մամլո ծառայությունից տեղեկացրին, որ Յաննին Հայաստան է գալու իր նվագախմբի հետ.«Բնականաբար, համերգին կմասնակցի նաեւ Յաննի նվագախմբի անդամ հայազգի ջութակահար Սամվել Երվինյանը»:

Յաննին հանդես կգա ինչպես հին եւ սիրված, այնպես էլ նոր եւ հետաքրքիր ստեղծագործություններով: Համերգի կազմեկերպիչները խոստանում են` համերգին հանդիսատեսի համար սպասվում է անակնկալ: Համերգի տոմսերն արժեն 5 000-80 000 դրամ: Ի դեպ, մինչեւ ապրիլի 7-ը` Կանանց միամսյակին նվիրված, տոմսերը կարող եք ձեռք բերել 20 տոկոս զեղչով:

Աշխարհահռչակ երաժիշտը Հայաստանում արդեն համերգով ներկայացել է 2011 թվականի սեպտեմբերի 23-ին` Կ.Դեմիրճյանի անվան մարզահամերգային համալիրում: