Թերություններ կան, որոնց վրա աշխատել է պետք. Լևոն Ջուլֆալակյան

Վրաստանի մայրաքաղաք Թբիլիսիում ավարտվեց ըմբշամարտի Եվրոպայի առաջնությունը: Հունահռոմեական ըմբշամարտում հայազգի ըմբիշները արժանացան մեկ ոսկե և երկու բրոնզե մեդալի: yerkir.am-ի հետ զրույցում, հունահռոմեական ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը ամփոփեց արդյունքները:

«Ընդհանուր առմամբ, գոհ եմ տղաներից: Եթե հաշվի առնենք այն փաստը, որ  հավաքականը անփորձ կազմով էր՝ լավ հանդես եկան: Բոլոր այն տղաները, ովքեր պարտվեցին, կարող եմ ասել, որ մինչև վերջ պայքարելով պարտվեցին: Թերություններ կան, որոնց վրա պետք է աշխատել», - ասաց նա:

Խոսելով հավաքականի նորեկ՝ 74 կգ քաշային Ռաֆիկ Մանուկյանի մասին, հավաքականի գլխավոր մարզիչը նշեց. «Ռաֆիկը երիտասարդների աշխարհի առաջնության հաղթող էր, բայց ամեն դեպքում, դեռ շատ բացեր ունի: Նա պոտենցիալ լավ մարզիկ է, բայց թերությունները շատ են` և' ֆունկցիոնալ, և' ֆիզիկական: Պետք է շատ աշխատել և շտկել այդ ամենը»: