Իվանիշվիլին կրճատել է նախարարների աշխատավարձը

Վրաստանի կառավարության անդամների աշխատավարձերը կկրճատվեն 12 տոկոսով: Վարչապետ Բիձինա Իվանիշվիլիի որոշմամբ` պետական բյուջեից այդ նպատակով ավելի քիչ գումար կծախսվի` նախորդ տարիների համեմատ, եւ այդ գործընթացը թափանցիկ կլինի հասարակության համար. տեղեկացնում է apsny.ge-ն:

«Կառավարությունը հրաժարվում է նախկին իշխանության պրակտիկայից, երբ նախարարներն ամեն ամիս կամ ամսվա ընթացքում մի քանի անգամ իրենց պարգեւատրումներ էին դուրս գրում: Նախարարներն ամեն ամիս բոլոր հավելումներով ստանալու են 6300 լարի»,- ասվում է վարչապետի աշխատակազմի տարածած հայտարարության մեջ:

Պարգեւատրումներ կլինեն տարեկան մեկ անգամ: