Մեկնարկում է սամբոյի` Հայաստանի առաջնությունը

Հայաստանի խուլերի միավորման մշակույթի և սպորտի պալատում  մեկնարկում է Սամբոյի Հայաստանի պատանիների և երիտասարդների առաջնությունը, որին մասնակցում են մարզիկներ` Երևանից, ՀՀ մարզերից և ԼՂՀ-ից:

Այսօր մայրաքաղաք կժամանեն մասնակիցները, կգրանցվեն, տեղի կունենա մրցավարական խորհրդակցություն, մարզիկների կշռում, իսկ մարտի 7-ին կկայանան պատանեկան առաջնության գոտեմարտերը, 8-ին՝ երիտասարդական:

Հաղթողները կպարգևատրվեն համապատասխան կարգի դիպլոմներով և մեդալներով: 

Առաջնության արդյունքում վերջնականապես կձևավորվեն ապրիլի 11-ից 15-ը Կիպրոսում կայանալիք Եվրոպայի առաջնությանը մասնակցող Հայաստանի երիտասարդական ու պատանեկան հավաքականների կազմերը, ինչպես նաև՝ հուլիսի 6-ից 17-ը՝ ՌԴ Կազան քաղաքում անցկացվելիք Ոնիվերսիադա 2013-ի հայաստանցի ուսանող մարզիկների ցուցակը:

Գոտեմարտերի սկիզբը ժ. 10:00-ին, հասցեն՝ Երևան, Կողբացու, 69: Մուտքն ազատ է: