Արտառոց դեպք` ''Զվարթնոց'' օդանավակայանում

Ըստ «Ժողովուրդ»-ի տեղեկությունների` փետրվարի 25-ին` ժամը 04:50-ին, «Զվարթնոց» օդանավակայանում արտառոց դեպք է տեղի ունեցել:

Օդանավակայանի մեկնման սրահից, գրում է թերթը, կաշառք վերցնելու կասկածանքով ոստիկանության բաժին բերման է ենթարկվել 33-ամյա Հովհաննես Գիբոյանը: Թերթի տեղեկություններով` Գիբոյանը Երեւան-Մինսկ չվերթի հաշվառման ժամանակ չվերթի ուղեւորներից մեկից պահանջել է 50 ԱՄՆ դոլար, որպեսզի նշված չվերթի ուղեւորին եւ նրա կնոջը պատկանող 40 կգ-ից ավելի կշիռ ունեցող բեռը թաքուն անցկացնի:

Ոստիկանության հասարակայնության հետ կապերի եւ լրատվության վարչությունից «Ժողովուրդը» տեղեկացել է, որ հանգամանքները պարզվում են, կատարվում է հետաքննություն: